Mei Liadabuach - Am Dingldanglmuagn

Das ist die Seite von Gustav Freudmann / Mei Liadabuach

Am Dingldanglmuagn

(nach Mr. Tambourine Man/Bob Dylan)

Geh, oida Rodsnfaunga,
schbü a Liad fia mi,
i bin goa ned miad
und waaß ned, wo_r_i higeh wia.

Geh, oida Rodsnfaunga,
schbü a Liad fia mi,
am Dingldanglmuagn wia_r_i
daunn midgeh mid dia.

Jo, i was, es Reich von Obnd
is zafoin in nix wia Saund,
is vaschwundn duach mei Haund,
lossd mi blind schdeh umanaund
doch schlofn dua_r_i ned.

Mei Wuaschdichkeid, de is ma wuaschd,
i schdeh aufd Fiaß so schwea,
i brauch dreffn niemaund mea,
auf da Gossn ka Vakea,
z'dod is zum Draman.

Geh, oida Rodsnfaunga,
schbü a Liad fia mi,
i bin goa ned miad
und waaß ned, wo_r_i higeh wia.

Geh, oida Rodsnfaunga,
schbü a Liad fia mi,
am Dingldanglmuagn wia_r_i
daunn midgeh mid dia.

Bring mi auf dei Schiff
wos wuald und flimmad iwaroi,
meine Gfüh san blaunk wia Schdoi,
de Händ baumsdig mid an Moi,
de Zechn schdeif eis wia_r_a Schdock,
woadtn nua no auf de Bock,
doss endli losmaschian.

Bereid war_i fia iwaroi
und doss i mi valia,
in mein eiganen Revia,
schdehd si sunsd nix mea dafia.
I schwea das,
i wia undtageh.

Geh, oida Rodsnfaunga,
schbü a Liad fia mi,
i bin goa ned miad
und waaß ned, wo_r_i higeh wia.

Geh, oida Rodsnfaunga,
schbü a Liad fia mi,
am Dingldanglmuagn wia_r_i
daunn midgeh mid dia.

A waunnsd jedsd heasd Lochn, Wischban,
voi varruckd und do valuan,
des hod nix mid dia zum Duan,
is jo nua_r_a Fluchd noch vuan
und aussan Himme
gibds kane Grendsn umadum.

Und waunnsd gaunz leis heasd iagndwo
wia_r_ana reimd voi Miah,
aufs Fledtnschbü vo dia,
des is a Glaun, gaunds ohne Gschbia,
unwichdich, oamsölich und schdia.
Grod nua_r_a Schodtn,
von den bleibd goa nix iwa.

Geh, oida Rodsnfaunga,
schbü a Liad fia mi,
i bin goa ned miad
und waaß ned, wo_r_i higeh wia.

Geh, oida Rodsnfaunga,
schbü a Liad fia mi,
am Dingldanglmuagn wia_r_i
daunn midgeh mid dia.

Jeds nimmsd mi mid, wia_r_i vaschwind
in mein miadn Geisd sein Dunsd,
da Zeid ia Resdt bleibd hindta uns,
mid iare Bladln, schdeif und koid,
mid iare Bam, vafluachd und oid,
zum Straund, wo saunfda Wind eifoid,
weid weg, von wo varruckde Suagn
noch uns giarich greifn.

Jo, undtan Schdeananhimme daundsn
und es gibd ka Wiedakea,
hindta mia es dunkle Mea,
rund um mi nix, wos i schdea,
wos i woa, wos i sei kunndt,
is diaf scho undtan Wossa drundt.
Loss mi vagessn aufs Heidte no bis Muagn!

Geh, oida Rodsnfaunga,
schbü a Liad fia mi,
i bin goa ned miad
und waaß ned, wo_r_i higeh wia.

Geh, oida Rodsnfaunga,
schbü a Liad fia mi,
am Dingldanglmuagn wia_r_i
daunn midgeh mid dia.